ئەنجومەنی پارێزگای سلێمانی

کونسوڵخانەى فەڵەستین هاوژینى مامەریشە خەڵات دەکات

29/7/2020 144 جار خوێندراوەتەوە

رۆژى دووشەممە 2020/7/26، بەڕێز ئازاد محەمەد ئەمین سەرۆکى ئەنجومەنى پارێزگاى سلێمانى، بەئامادەبوونى بەڕێز قایمقامى چەمچەماڵ بەشدارى لەمەراسیمى بەخشینى خەڵاتى وەفا و رێزلێنان بە هاوژینى شەهید مامەریشە شۆڕشگێڕى کورد کرد ، لەلایەن بەڕێز نەزمى حەزورى کونسوڵى فەڵەستین لە هەرێمى کوردستان پێشکەشى کرا.
لە مەراسیمەکەدا کونسوڵى فەڵەستین پەیامى وەفاى خەڵک و حکومەتى فەڵەستینى گەیاندە خاتوو نیشتمان هاوژینى شەهید مامەریشە کە وەک جەنگاوەرێکى خۆبەخش بەشدارى لە جەنگى ئازادى فەڵەستین کردووە، پاشان خەڵاتى رێز و وەفاى فەڵەستینى پێشکەش کرد.
پاشان تاجە گوڵینەى لەمۆنۆمێتى شەهیدان و ئەنفالکراوان دانا و هەر لەوێش لۆگۆى مۆنۆمێتى شەهیدان پێشکەشى کونسوڵى فەڵەستین کرا.
لە ساڵانی کۆتایی چلەکان تاوەکو ساڵی 1975 ژمارەیەک لە پێشمەرگە و کوردانی باشووری کوردستان بەشداریی جەنگی فەلەستینیان دژی ئیسرائیل کردووە و 12 کەسیان شەهیدبوون، کە تاوەکو ئێستا تەرمەکانیان لە شاری حەنەینی فەڵەستینە، هەروەها دەیان کەسیشیان برینداربوون و شۆڕشی فەڵەستینیان بە شۆڕشی ئازادی ناوبردووە.

مامەڕیشە، ناوی نەجمەدین شوکور رەئووفە و ساڵی 1955 لەدایکبووە، لە ساڵی 1972 چووەتە سووریا و لەرۆژئاوای سووریا و باشووری لوبنان بۆ ماوەی پێنج ساڵ لە ریزەکانی بزووتنەوەی ئازادیی فەڵەستین وەکو خۆبەخش جەنگاوە دژی سوپای ئیسرائیل، لە ساڵی 1977 گەڕاوەتەوە کوردستان و تاوەکو ساڵی 1985 پێشمەرگە بووە لە ریزەکانی یەکێتیی نیشتیمانیی کوردستان و لەو ساڵەشدا شەهیدبووە.

 

 

 

185102972020_5.jpg

295102972020_6.jpg

435102972020_2.jpg

555102972020_4.jpg

Copyright © all rights reserved .Developed by Avesta Group and powered by Microsoft Azure